Доколку таблетите со дијагонала од 10 или 12 инча не ви се доволно големи, можеби ќе ве заинтересираат 20 или 24 инчните таблети кои ги произведува компанијата Fuhu.
Уредот под називот Big Tab Tablets, моментално е најголем Android таблет кој можете да го купите.
Овие огромни таблети пристигнуваат пред се за забава намената за децата и притоа се доволно преносливи да децата можат да ги носат од една просторија во друга.
Базирани на Android, овие таблети поседуваат посебен заклучен кориснички интерфејс наречен Blue Morpho OS, кој е дизајниран да ги нагласи детските содржини и да им понуди посебно чувство на користење во однос на класичните таблети.
Добрата вест во однос на нивната големина е што таа овозможува двајца без никакви проблеми да можат да играат во исто време.
Секако, родителите со помош на лозинка можат да излезат од овој кориснички интерфејс за да го користат таблетот за оние активности на кои се навикнати, како испраќање мејл, гледање филмови, користење апликации и слично.
За разлика од останатите уреди наменети за деца, овие таблети имаат прилично добар хардвер, Nvidia Tegra 4 процесор, 16GB интерна меморија, HD+ дисплеј (1.600 x 900) за 20 инчен модел и full HD (1.920 x 1.080) за 24 инчната верзија.
Уредите ќе се најдат само на одредени пазари по цена од 449 и 549 долари.