Истражувањето кое го спроведе MIT потврдува дека преземањето на контролата од страна на роботите на задачите на човекот не е само ефикасно туку и пожелно, работниците повеќе сакаат кога наредбите пристигнуваат од робот отколку од луѓе.
Произведувачите и индустријата неодамна ја препознаа предноста на автоматизацијата во рационализацијата на процесот за да ги ослободат луѓето од заморните задачи, но секогаш постои страв дека работниците би можеле да се чувствуваат потценети или заменливи.
- Во нашето истражување настојувавме да ја откриеме слабата точка за да се осигураме дека човековата работна сила ќе биде задоволна и продуктивна, вели шефот на проектот Метју Гомбола, докторски студент на MIT одделот Computer Science and Artificial Intelligence Lab (CSAIL).
-Откривме дека одговорот всушност е во тоа на машините им се даде поголема автономија, доколку тоа им помага на луѓето да работат без мана заедно со роботите како соиграчи, вели Гомбола.
Но, не е работата само во тоа дека луѓето попрво би ги земале задачите кои им ги дава роботот кога е во прашање вршење на работните задачи. Всушност, роботите го водат тимот на многу попродуктивен начин отколку што би го направиле тоа луѓето.
- Целосно автономните услови се покажаа не само најфункционални за работните задачи, туку се и метода на која луѓето работници и дадоа предност. Работниците се склони да кажат дека роботите “подобро ги разбираат“ и ја подобруваат функционалноста на тимот.
Гомбола истакнува дека со давањето на контролата на роботите не значи дека киборг ќе управува со фабриката наместо борд на директори, туку дека човечки генериран алгоритам делегира, распоредува и координира работни задачи.