Кинескиот телекомуникациски џин веќе некое време е изложен на притисок од оператори кои бараат да дизајнираат паметни телефони кои би работеле на Tizen на оперативниот систем на Samsung, но компанијата ги одбива овие барања со тврдењето дека “Tizen нема никакви шанси да биде успешен“, изјави Ричард Ју, директор на Huawei-овата корисничка бизнис група во интервју за Wall Street Journal.
Ју во оваа прилика изјави дека Huawei исто така ја разгледува можноста за оддалечување од мобилниот оперативен систем Android на Google, но дека во моменталната ситуација, овој чекор нема многу смисла.
Samsung користи свој отворен Tizen систем во се, од технологија која се носи па се до телевизори, но дека до сега немал многу успех со паметните телефони со овој OS кај корисниците.
Samsung е најголемиот произведувач на Android уреди во светот, но веќе некое време го развива Tizen како алтернатива на Android, кој моментално доминира на пазарот за паметни телефони со пазарен удел од 80 проценти.
Меѓутоа, Huawei не мисли дека само Tizen е промашена работа, компанијата смета дека Windows Phone мобилниот оперативен систем исто така нема иднина.
Ју изјави дека Huawei изгуби пари на Windows Phone уредите како и дека сите проекти кои го користеле овој оперативен систем ги стави на чекање.