Малку се оние кои никогаш не зажалиле поради некоја порака која ја пратиле. Но, од сега тоа нема да биде проблем, барем за корисниците на апликацијата Ansa, која овозможува да ги избришете пораките кои сте ги пратиле од својот, но и од туѓиот мобилен.
Апликацијата Ansa ја направи 23-годишната Натали Брила. Станува збор за апликација за размена на пораки, фотографии, клипови и цртежи и е многу слична на популарната Snapchat. Секоја содржина која ќе ја пратите можете да програмирате да исчезне од мобилниот на личноста на која сте и ја пратиле пораката и тоа за само неколку секунди откако ќе биде прочитана. Освен тоа, Ansa нуди на своите корисници да ги бришат пораките од туѓите мобилни кои ги пратиле.
Апликацијата Ansa која полека се стекнува со популарност, е достапна за уредите кои ги користат оперативните системи Android и iOS.