Microsoft неодамна го спои одделението за уреди на Nokia, а сега кога оваа аквизација е завршена, компанијата се подготвува да престане да го користи името Nokia на своите Lumia телефони.
Ова не е некое големо изненадување, кога Microsoft ја објави Lumia 730 и 830, овој месец, промотивниот материја едвај го споменуваше името Nokia. Она што претставува изненадување е дека Microsoft планира својот мобилен оперативен систем да престане да го нарекува Windows Phone. Наместо тоа, ги опишува идните телефони како уреди кои работат под називот Windows.
Овие информации пристигнуваат од документот кој протече, до него стигна сајтот Geek on Gadgets, а го потврди The Verge.
Доколку станува збор за автентични извештаи, Microsoft стратегијата за брендирање на паметни телефони и оперативен систем ќе ја промени пред сезоната на празници 2014 година.
Microsoft се повеќе напор вложува во тоа својот мобилен и десктоп оперативен систем што повеќе да го доближи и обедини. Компанијата од Редмонд веќе некое време ги охрабрува програмерите да креираат универзално Windows апликации, кои може да се стартуваат на телефоните, таблетите, нетбуковите, десктоп компјутерите и конечно на Xbox One конзоли.