Претходните месеци се појавија многу гласини за екраните од сафир на новите уреди на Apple, што предизвика голема возбуда кај сите оние кои поверуваа во тоа.
Се започна од аналитичарот Мет Марголис, кој својата работа ја фокусира на партнерството помеѓу Apple и GT Advanced Technologies. Набргу по потпишувањето на договорот за аквизација помеѓу Apple и GT Advanced Technologies вреден 578 милиони долари, се зголемија шпекулациите за екрани од сафир.
Но, кога Фил Шилер застана на сцената во текот на преставувањето на iPhone 6, многумина помислија дека ќе започне да се фали со првиот сафирен екран. Наместо тоа, Шилер објави дека новиот iPhone има јонски-појачано стакло.
Интересно, сафирот се најде во некои други делови на iPhone 6, како што е TouchID тастерот и камерата. Исто така, екран од сафир има паметниот часовник Apple Watch, но не на сите модели.
Сите сега се прашуваат зошто толку многу плати Apple за GT Advanced Technologies, кога екраните од сафир не се присутни на iPhone 6 телефоните.
Објаснување на новонастанатата ситуација даде аналитичарот Мет Марголис.
“Екраните од сафир за iPhone, кои не поминале проверка на квалитет, завршиле како екрани за Watch. Apple не можеше да си дозволи да го лансира iPhone 6 со екран од сафир, кој не даде 100% задоволителен квалитет.
Според неговите зборови, проблемот не е до произведувачот, компанијата GT Advanced Technologies, туку до компаниите кои работеа на завршните чекори (Biel и Lens Tech).
Сепак, се очекува дека производството на екрани од сафир за iPhone ќе има, и дека корисниците ќе добијат телефони со појачан екран. Она што не е познато е кога тие уреди ќе се појават.