Веројатно деновиве слушнавте за податокот (кој се уште е непотврден) дека компјутерските експерти сметаат дека на кориснците на е-меил сервисот на Google, Gmail им се украдено околу 4,93 милиони кориснички имиња и лозинки. Ако и вие спаѓате ви групата која има сметка на Gmail, можеби се прашувате дали постои начин да проверите дали сте станале жртва на сајбер криминалците.
Интернет измамниците и трговците со бази на податоци ова веднаш го искористија со тоа што лансираа “страници за проверка на е-мејлови“, па ако во нивниот пребарувач ја впишете својата адреса, ќе добиете податок дали и вашата сметка е компромитирана.
Веднаш да ви кажеме дека не треба тоа да го правите, бидејќи така самите ќе ја додадете својата адреса во базите на податоци со кои измамниците тргуваат, па ќе можете да очекувате поплава од спам пошта и специјални понуди од разни места, а на тие страни веројатно ќе закачите и некој малициозен вирус.
Со оглед на тоа дека Google, целава оваа работа не ја потврди, нема да не зачуди и ако целава оваа збрка не е дело на измамниците.