Во текот на претходната недела, протече документација на Microsoft во која се вели дека компанијата планира да го отфрли брендот Nokia во наредните неколку месеци.
Поединечни известувања на медиумите наведоа бројни корисници да мислат дека ова значи дека дојде крајот како на компанијата Nokia така и на брендот во целост.
Финската компанија, која е уште позната како Nokia, исто така изрази одредена загриженост поради ново настанатата ситуација, но ја искористи и можноста да ја извести јавноста дека компанијата не е мртва. Или, со други зборови дека Nokia моментално се наоѓа во прилично добра состојба.
Бери Френч, извршниот потпретседател за маркетинг во Nokia, во блог пост истакна дека го продале мобилното одделение на Microsoft. Но дека денешната Nokia е финансиски силна и се посветува на своите предности.
Nokia во својата понатамошна работа ќе се фокусира на телекомуникациската инфраструктура, HERE мапите и навигациските системи, развојот и истражувањето на технологијата (флексибилните OLED панели). Тука е и неодамна објавениот проект за развој на 5G мрежа, чија пробна имплементација се очекува наредната година во Финска.