Дали новиот модел на iPhone Plus ги изневери потребите на пазарот?
Неколку сопственици се мошне лути поради тоа што нивниот штотуку купен мобилен телефон се искривил по носењето во џеб.
-Апсолутно го обожавам мојот нов iPhone 6 Plus!! Омилената карактеристика ми е флексибилниот дисплеј, напиша еден од корисниците кои забележале дека нешто не е во ред со нивниот телефон.
Проблемот се јавува поради алуминиумот од кој што е направен моделот. Станува збор за релативно мек метал кој е мошне флексибилен, па под дејство на притисок може да се свитка. Според iMore во новите IPhone-и нема повеќе од 0, 64 см од алуминиум, што значи дека во оние делови каде што телефонот е најтенок може да биде подложен на виткање.
Ова јасно се забележува и на сликите каде виткањето најчесто се јавува кај копчињата за звук и слотот за SIM. Во овие делови обвивката на телефонот е исечена за да се направат простори за копчињата, па затоа има помалку алуминиум и тие делови најмногу се виткаат. За да не дојде до тоа, корисниците треба да внимаваат да не создаваат притисок на телефонот и да го сместат во потврда футрола.