Европската полициска служба Европол спроведе интересен проект, чии што загрижувачки резултати се објавени неодамна.
Всушност, во Лондон на неколку места е поставен безжичен интернет на кој минувачите можеле да се поврзат. Во текот на процедурата за конектирање преку редовен чекор на прифаќање на условите за користење на мрежата (Terms and conditions),на корисниците меѓу останатото им е соопштено дека со понатамошно конектирање на интернет, се одрекуваат од своето прво дете, без разлика дали истото е родено или не.
Шестмина продолжиле понатаму, и на тој начин официјално се откажале од своето прво родено дете за да се конектираат на интернет.
Финската компанија F-Secure, која учествувала во проектот, издала соопштение дека има намера да не дозволи ниедно дете да не биде загрозено, пренесува британскиот Гардијан.
“Нашиот правен советник Марк Дим истакнал, дека без разлика на тоа кои се условите со кои се сложувате преку овој начин се задолжителни и законски легални, но се во спротивност со политиката за злоупотреба на деца за цели за нудење на услуги, па ставката нема да биде земена на разгледување“, се наведува во соопштението на финската компанија.
Овој експеримент бил само дел од поголемо истражување позади кои стои институтот за истражување на сајбер безбедноста, а чија цел е укажување на бројните проблеми поврзани за употребата на WiFi мрежата.
Помеѓу останатото, претставникот на Институтот и F-Secure на компанијата Шон Саливан наведува дека луѓето лесно користат непознати мрежи за безжичен интернет, што може да ги доведе до опасност.
Во заклучокот на извештајот се вели дека е потребна зголемена едукација на жителите за можностите, но и опасностите на интернетот и неговото користење.