Следната верзија на мобилниот оперативен систем на Google е откриена на почетокот на годината под работно име L, но компанијата можеби го даде најголемото навестување кога е во прашање официјалното име на овој оперативен систем.
Секој кој е запознаен со Android знае дека сите негови големи верзии пристигнуваат по абецедарен ред како и дека сите беа именувани по слатки, Kit Kat, Jelly Bean и Ice Cream Sandwich се последните три имиња.
А се чини дека гигантот за пребарување во голема мера потврди дека најновата верзија на Android ќе го носи името Lollipop благодарение на анимираниот GIF, со кој компанијата го прослави својот шеснаесетти роденден.
Инаку Google својот роденден го одбележуваше на 7 септември, на датумот кога компанијата е основана, но во 2005 година го смени датумот на одбележувањето на својот роденден на 27 септември.
Во знак на одбележувањето на својот роденден, Google постави посебен Google Doodle.