Со оглед на тоа дека не одиме никаде без паметните телефони, тука се и апликациите за скоро сè што ќе ни падне на памет: за игри, ТВ емисии, музика, купување, вежбање...и пописот оди се до небо.
Но, сега постојат и апликации кои можат да ви помогнат да го подобрите својот вид, а научните студии покажаа дека овие апликации се многу функционални.
Претходно оваа година тим на неуронаучници од Универзитетот во Калифорнија, објавија студија во магазинот Current Biology во која ја тестираа својата нова апликација наречена UltimEyes.
Наместо подобрувања на самото око, апликацијата работи на тој начин што го „тренира“ мозокот подобро да ги обработува визуелните сигнали.
Врските помеѓу мозочните клетки се еластични и можат да се засилат така што се вежба подрачјето на мозокот кое е одговорно за обработка на визуелни информации, па на тој начин е можно да се подобри видот. Оваа пластичност на мозокот е веќе докажана во различни претходни студии со возрасни.
Визуелниот стимул кој го користат UltimEyes и разни други апликации за тренирање на очите се примероци, односно шаблони кои се нарекуваат Gabor слоеви, а станува збор за замаглени линии прикажани на сива подлога.
Gabor слоевите се користат бидејќи тие имаат карактеристики кои одговараат и бидејќи ги активираат рецептивните својства на полето на мозочните келии кои се наоѓаат во визуелниот кортекс.
Претставувајќи им ги на очите овие нови форми постепено ги прави се потешки за идентификација, вашиот мозок станува подобар во нивна обработка што доведува до подобрување на видот.