Паметните часовници пристигнуваат со многу мали екрани, па опцијата за пишување порака и пребарување на поими не е премногу популарна, бидејќи не е едноставно на таа површина да се постави и функционална тастатура кој ќе биде лесна за користење.
Научниците од Microsoft Research сметаат дека големината не екранот не би смеела да биде препрека за гаџетите кои се носат да се користат за пишување и пребарување, па затоа направија аналогна тастатура за Android Wear платформата, која ви овозможува да пишувате како на хартија.
Кога на тој софтвер ќе му се додаде систем за предвидување на внесот на зборови, тоа овозможува прилично брзо и едноставно пишување како и пребарување на поими на Google, иако веруваме дека никој не планира да пишува книга на паметниот часовник.
Треба да се нагласи дека Microsoft не е првиот кој ова го измисли, бидејќи веќе постојат аналогни тастатури за платформата на Android Wear која ја произведоа Flexy и Minuum, но тимот од Редмонд има многу помоќна машина за промоција, па веруваме дека нивното решение многу лесно може да се наметне на глобалниот пазар за паметни часовници.