Постојат неколку гласовни асистенти, а меѓу најпознатите и најпопуларните се Google Now, Siri и Cortana.
Но, колкав број на корисници навистина се потпираат на овие сервиси и дали се тие корисни за да се користат на дневна основа или се едноставно таму каде што се само како украс?
Според истражувањето кое го спроведе Google, изгледа дека тинејџерите се оној дел на популација која најмногу ги користи гласовните асистенти.
Според резултатите на студијата која ја спроведе интернет гигантот, 55 проценти од оние под 18 години користат гласовни асистенти: во споредба со 41% на возрасни кои ги користат токму овие сервиси. Оваа бројка се зголемува на 75%, кога се во прашање тинејџери кои паметните телефони ги користат повеќе од 11 часа на ден.
Исто така истражувањето покажува дека на тинејџерите не им е важно како звучат или и изгледаат на околината додека ги користат функциите на гласовниот асистент.
57% од нив не се загрижени поради јавното етикетирање, наспроти 24% од возрасните на кои ова не им е важно.
Кога употребата во конкретни случаи е во прашање, тинејџерите ги користат гласовните асистенти за совети во врска со домашните задачи, за пуштање на музика и пребарување на филмови.
Возрасните пак сервисите најчесто ги користат за проверка на пораки и пребарување на насоки.