Google неодамна го лансираше таблетот Nexus 9 во производство на HTC. Во прашање е 8.9 инчен модел, кој работи на 64 битен Nvidia Tegra K1 процесор.
Споменатиот процесор е dual-core платформа, со две големи Nvidia Denver CPU јадра. Чипот пристигнува со комбинација од 192 GPU јадра, кои во теорија би требало да понудат исклучителна графика и добра енергетска ефикасност.
Tegra K1 е изработен на истата Kepler архитектура, која стои позади некои од најмоќните гејмерски компјутери.
Ова значи дека чипот би можел да понуди мобилна технологија во класата на конзоли за играње, со полна поддршка за DirectX 11, OpenGL 4.4 и Tessellation.
Присуството на Nvidia Tegra K1 процесорот би можело таблетот да го претвори во сериозна машина за гејминг. Уредот ги помина некои од benchmarking тестовите, во кои покажа дека е супериорен во однос на Samsung Galaxy Note 4, Sony Xperia Z3, па дури и новиот Apple iPhone 6.
Иако овие тестови не вклучуваа GPU перформанси, прелиминарните резултати на Nexus 9 се прилично охрабрувачки. Она што на таблетот му недостасува, е контролер за играње кој може да се спари со таблетот. Сепак не треба да се отфрла можноста дека Google ќе лансира ваков контролер во иднина.
Покрај можноста на чипот и графиката, уште едно нешто му оди во прилог на таблетот. Тоа е Android 5.0 Lollipop, оперативниот систем кој ќе има функции кои ќе им се допаднат на гејмерите а ќе можат да се вклучуваат и во локална мултиплеер акција.
Преку игрите кои ќе подржуваат Play Game мултиплеер, корисниците можат да побараат играчи во близина и да ги повикаат да ја играат истата игра.
Како што Google и Nvidia блиско соработуваат, можеби наскоро игрите оптимизирани за Tegra K1 на Nvidia Shield таблетот (Trine 2: Complete Story, Amadeus the Wizard, Portal), ќе бидат достапни и за Nexus 9.