Двеин Еванс, иноватор од Кентаки, вели дека можеме да заборавиме на носењето на тешки капути и јакни во текот на зимата, затоа што неговата маица под називот Podz Gear ќе го одржи нашето тело топло и ако се облечеме во значително потенка облека.
Идејата всушност не е претерано оригинална бидејќи се темели на термохемиски грејачи какви што веројатно веќе сте виделе.
Неговата маица на себе содржи шест џепчиња во кои ги ставате вреќичките со термохемиски грејачи, кои се наоѓаат во близина на главните крвни садови, за да ви ја одржат топлината на телото.
Една маица со комплет грејачи се продава по цена од 74,95 долари, а проектот моментално се наоѓа во системот на crowdfunding на Kickstarter, кој повеќе служи во моментов како рекламна кампања, со оглед на тоа дека бара само 5000 долари за стартување на сериско производство.
Иако ова не делува како нешто посебно инвентивно, сепак е интересно и нуди можност сами да направите слична облека со централно греење.