Ако оваа вест е точна, Microsoft наскоро ќе се приклучи во борбата за заземање на свој дел од колачот на пазарот за гаџети кои се носат.
Според неименуван извор од компанијата кој го цитира Forbs, Microsoft за неколку недели ќе претстави комбинација на фитнес гаџети и паметен часовник, кој ќе биде компатибилен со повеќе платформи, што значи нема да биде ограничен само на работа со паметните телефони на Windows Phone OS, туку ќе може да се користи и во комбинација со Android и iOS уредите.
Ова би требало да ни ја разјасни правата причина поради кој Microsoft направи своја аналогна тастатура за паметни часовници на Android Wear платформата.
Меѓу сензорите кои нивниот уред ќе ги поседува се наведува „пасивниот мерач на срцеви отчукувања“.