Замислете дека повеќе не морате да ги пумпате гумите од велосипедот и дека е речиси невозможно истите да бидат дупнати, па дури и од шајка.
Лондонската компанија Tannus штотуку ја претвори вашата замисла во реалност.
Тие создадоа гуми кои не можат да бидат дупнати како резултат на тоа што немаат воздух и се направени од посебен полимер. Станува збор за посебна нанопена, која може да се најде и во патиките, инаку ултра лесен материјал кој го апсорбира ударот и дупчењето од остри предмети.
-Велосипедистите повеќе не треба да се грижат за сигурноста. Никогаш нема да се грижат за тоа дека ќе задоцнат на работа, дека ќе менуваат гума на ладно и дали ќе имаат време да се вратат од работа на својот велосипед. Се надеваме дека со ова и оние луѓе кои не возат велосипед ќе започнат да го прават тоа, велат од компанијата.
Големината и тежината на гумите е речиси иста со онаа на регуларните велосипедски тркала. Со нив може да се поминат околу 9650 км, а чинат од 89 фунти за пар тркала.
Овој тип на велосипедски гуми веќе се хит на Далечниот исток каде досега се монтирани на повеќе од 200 илјади велосипеди.