Иако сите производители на smart телефони оваа година изјавија дека продажбата опаднала, Samsung и покрај падот открива дека е задоволен од сето она што се случува на глобално ниво. Најверојатно дека си крие добитен џоќер во ракавот за кој конкуренцијата нема поим. Според американските медиуми тие подготвуваат 6 инчен екран со неверојатна 4K резолуција. Да добро прочитавте!
Сепак сето ова е рано, бидејќи според шпекулациите екранот ќе биде готов дури во август, идната година за кога е најавено излегувањето на Galaxy Note 5. Да ве потсетиме, неодамна беше претставен Galaxy Note 4, но очигледно Samsung планира се многу однапред со цел да се носи со конкуренцијата.
Екранот ќе има големина од 6 инчи, со Super AMOLED технологија и 4K (UltraHD) резолуција од неверојатни 3840 x 2160 пиксели. Високата резолуција се постигнува со т.н. дијамантни пиксели со кои пак се добива густина на пиксели од импресивни 746+ppi.
Доколку веќе сакаме да споредиме, ајде ќе го земеме iPhone 6 кој поседува густина на пиксели според она што претходно го објавивме, скромни 326ppi (Retina резолуција), додека пак LG G3 (со QuadHD резолуција) поседува густина на пиксели од 538ppi. Дали овој вид на екран ќе се вгради и во Samsung Gaklaxy S6 останува да видиме...