Xiaоmi е кинескиот iPhone! Тој во моментов ги „гази“ најголемите конкуренти како Apple, Samsung, LG, HTC и Huawei. Според информациите од Кина, Xiaomi има за цел да произведе smart телефон кој ќе чини само 52 евра, а ќе има одлични спецификации и перформанси.
Според извори блиски до компанијата за цена од околу 50 евра би требало да добиеме 4,5 инчен екран на допир со HD (720p) резолуција и 1GB RAM, што и тоа како звучи добро во споредба со парите, иако можеме да очекуваме пластично куќиште и камера од 5 мегапиксели на задната страна со LED блиц.
- Најверојатно Xiaomi планира да го искористи LC1860 чипсетот на Leadcore, кој ќе понуди задоволителни спецификации - A7 архитектура, процесор од 2GHz и Mali T628 графички процесор. Ќе има можност и за снимање на FullHD видеа во 1080p и 60 фрејмови во секунда и LTE конекција, пишуваат медиуми од Кина.
Сегашниот најефтин телефон на компанијата, Xiaomi Redmi 1S, нуди слични спецификации за цена од 120 евра и тој навистина е хит не само во Азија, туку и на други пазари како оние во Европа и САД.