За разлика од минатото кога се беше поедноставно, сега дури и секојдневното фотографирање започна да ни прави главоболка. Особено бидејќи сега секој има smart телефон со добра камера, па кога ќе се соберете во друштво постојано се фотогафирате, а помалку муабетите.
Никогаш не знаете кога некој ќе извади телефон за да се фотографирате, а за да не ве фатат со некоја ужасна гримаса, или пак да сте подгрбавени и да изгледате чудно треба да ги знаете барем основните работи. Најлошо од сè е што баш лошите непрепознатливи фотки со брзина на светлината ќе завршат на друштвените мрежи, а вие ќе се почувствувате засрамени.
Затоа било доколку планирате на некому да му го пратите вашето селфи, или пак сакате да не се засрамите од групната фотографија, следете ги овие интересни совети и ќе знаете како се позира.
Наведнување
Фотогафите секогаш советуваат кај позирањето да се свитка се што може да се свитка. Па така наместо да се свртите право кон камерата, направете мало свиткување – бидејќи така ќе делувате малку повитки. Исто така тоа важи и за рацете, главата, нозете... Наместо да ги држите право, наведнете ја малку главата, нозете прекрстете ги, а рацете благо свиткајте ги.
Протресете ја косата
Ако немате време да ја поправите фризурата, лесно поминете со рацете низ косата или пак само растресете ја.
Руменило е клучот
Оние девојки кои се шминкаат знаат дека руменилото има магичен ефект на лицето и му дава здрав изглед. За оние кои не се шминкаат – ако сакате користите само еден производ и тоа нека биде руменилото.
Подигнете ја брадата
Со малку навалена главата, постои уште еден трик кој фотографите секогаш го кажуваат. Со спуштена брада имате поголеми шанси да испаднете како да имате подбрадок, додека со поткрената брада вие го издолжувате лицето.
Свртите го вниманието на нешто друго
Ако едноставно и не е ваш ден, свртете го вниманието од лицето или фризурата, така што ќе се осврнете околу себе и ќе пронајдете некој интересен предмет. Зафрлете ја косата зад главата предметот прислонете го кон лицето и сите ќе гледаат во предметот, а не во вас!