Ројтерс во својата неодамнешна публикација се занимаваше со опаѓањето на интересот за Google Glass очилата. Постои ли иднина за овој производ на Google?
Во истражувањето за текстот контактирани се 16 тимови кои креираат апликации за Google Glass, од кои дури девет го напуштиле проектот, вклучувајќи го и победникот на натпреварот вреден 10.000 долари поврзан за креирање на апликации.
"The Glass Collective” организација за помагање на креирањето на апликации исто така исчезна, додека три клучни личности од компанијата Google, го напуштиле тимот кој го развива овој додаток.
Исто така се претпоставува дека продажбата на Glass очилата за поширок круг на корисници ќе биде одложена за 2015 година. Google на овогодинешната I/O конференција не посвети значително внимание на овој додаток како минатата година, но не може да се каже дека се откажале од производот.
Од Google истакнуваат дека KFC и Taco Bell покажале интерес за очилата, за да можат да ги користат за тренирање на вработените. Сепак, и понатаму останува неодговорено прашањето на кој начин овие очила би можеле значително да ни го унапредат животот, за да се одлучиме пред се да ги купиме и носиме?