По бројните забелешки и жалби од корисниците, Facebook најави систем кој ќе оневозможува премногу директно огласување во News Feed.
Facebook деновиве издаде соопштение во кое наведува дека почнувајќи од јануари 2015 година, корисниците во своите News Feed-и ќе гледаат значително помалку постови во кои луѓето се упатуваат да купуваат некој производ, да инсталираат апликација, предложуваат промоции, а не би смееле да се појавуваат ни постови во кои се користи иста содржина како во огласите.
Со други зборови, во вашиот News Feed ќе се појавуваат повеќе објави на статуси и постови на ваши пријатели, а помалку замаскирани промоциски постови кои претставуваат своевидни навлекувања на продажба, препорака за купување или преземање на апликации.
Тоа всушност значи дека страните и профилите нема да ве опсипуваат со таков вид на “спам маркетинг“, но оние компании кои не спамираат не треба да се плашат дека ова ново правило ќе им пречи на работењето, доколку се држат до новите “правила“.
Филтрирањето на спамерските содржини ќе ги објави новиот алгоритам на Facebook, но за сега не е јасно по кои критериуми и примероци се ракува, па ќе почекаме до почетокот на следната година да видиме дали ова навистина ќе функционира на задоволство на корисниците.