Првата паметна обетка на светот го следи работењето на вашето срце, трошењето на калории, но и други активности.
По појавата на бројни гаџети кои можат да се носат во облик на паметна нараквица, часовници очила, капи, ни пристигнува и едно парче накит кој своите паметни функции ќе ги покаже на вашето уво.
Овој гаџет познат под називот Ear-O-smart е паметна обетка опремена со сензори кои на апликацијата на вашиот паметен телефон (Android или iOS) преку Bluetooth 4.0 ќе јавува како ви чука срцето, како стоите со согорувањето на калории, и какво ви е нивото на телесни активности.
Секако ова парче накит е наменето за понежниот пол, но ќе биде достапно во кит за изработка на сопствени креации, па ќе можете да го носите и во некоја друга форма.
Што се однесува до контролата на срцевите отчукувања, Ear-O-smart тоа го прави со мерењее на протокот на крв на кожата, со користење на LED и со мерење на промените во апсорбирањето на светлото.
Основниот модел на обетките ќе се појави на пазарот во февруари 2015 година, а цената ќе изнесува 110 долари, но авторите велат дека би можел да биде интересен на индустријата за накит, која би можела да го произведува во разни облици, вклучувајќи ги и најлуксузните и најскапите опремени со скапоцени камења.
Секако, услов за сето тоа е прво на Kickstarter да ги соберат бараните 30.000 долари.