Кафето за носење во последните неколку години е вистински хит во светот, па луѓето се почесто пијат кафе на нога и во движење, отколку да седнат и на раат да испијат некоја голтка од омилениот пијалак.
Поради тоа тим на дизајнери и ентузијасти од Хонг Конг составени под името Wacaco, направија цилиндрична боца за кафе.
Сепак, оваа навидум цилиндрична боца всушност е мини апарат за еспресо кој има се во едно и е наречен едноставно Minipresso.
Со него вие имате сè што ви е потребно за да си направите кафе, каде што ќе посакате. Ова е одличен изум, кој ќе започне да се продава од почетокот на идната година.