Корисниците на една од најпопуларните социјални мрежи наскоро ќе забележат цела низа на промени.
Twitter често пати е критикуван дека во споредба со останатите социјални мрежи и интернет сервиси, ретко воведува промени и тестира нови алатки, па затоа од компанијата најавија неколку промени во сегашниот изглед и функционирањето.
Првата од нив е воведување на така наречени “timeline highlights“, функции кои би требало да го надополнат времето кое корисниците на Twitter го поминуваат offline и на тој начин ги упатува во најважните случувања кои ги пропуштиле. Во врска со ова, во план е и воведување на известувања за ударни вести.
Ова е функција со која Twitter експериментираше и во минатото, преку твитови од @eventparrot и нотификација за одбраните теми, но сега има намера да и посвети многу повеќе внимание и да го прошири пристапот на така наречените Twitter трендови глобално.
Останатите планирани промени и алатки вклучуваат воведување на листа на нови твитови кои би им биле излистани на новите корисници без дополнителни чекори за додавање на налози за следење, подобрување на функциите за испраќање на директни приватни пораки и воведување на алатки за директен аплоад на видео клипови во поле за поставување на твитови.