Кога во почетокот на годинава се појави опцијата Seen во пораките на Facebook постоеше некој вид на позитивизам, најмногу поради фактот дека ќе знаете кога на тој што сте му напишале порака ја видел истата.
- Одлично, веќе нема залудно да праќате пораки, некој да ги гледа и да не ви одговори. Сега, вие ќе знаете кога вашата порака е видена, бидејќи под пораката ќе се појави Seen, доколку вашиот пријател ја видел вашата порака, пишуваше тогаш на блогот на Facebook.
Но, потоа оваа опција стана досадна бидејќи не секогаш сакате другата особа да знае дека сте ја виделе пораката што ви ја пратил, а морате да вратите бидејќи во спротивно би било многу непрофесионално и неферски да не одговорите. Поради тоа неколку паметни дечки создадоа интересна ектензија за Google Chrome која се вика Facebook Unseen.
- Сега корисниците што не ја сакаат опцијата Seen имаат можност да ја деактивираат на својот компјутер, благодарение на апликацијата за Google Chrome - Facebook Unseen. Штом ја инсталирате нема потреба од ништо друго. Facebook Unseen е мал додаток кој не зафаќа многу простор, а единствената задача му е да блокира една линија од кодот за да ја неутрализира seen опцијата на Facebook, пишува CNet.