Апликацијата која возачите ќе можат да ја инсталираат без дополнителни трошоци, ќе биде достапна од идната година, изјави директорот на Секторот за сообраќај во Ајова - Паул Тромбино.
- Се движиме во вистински правец, како стојат работите може ќе бидеме првата нација која ќе употреби виртуелни возачки дозволи.
Возачите и понатаму ќе можат да ги задржат традиционалните патни исправи, доколку тоа го сакаат, но новите дигитални наскоро ќе бидат прифатени од страна на полицијата во Ајова и ќе може возачките да се идентификуваат за време на редовните контроли во сообраќајот. Во основа станува збор за личен документ, но сега на друг медиум - телефон. Виртуелната возачка дозвола ќе ја има целата потребна заштита, а ќе користи и PIN за верификација. Ова ќе овозможи заштита на личниот идентитет, изјави Тромбино.
Оваа технологија би можела да се користи и за други видови на документи, со што хартијата и пластиката би заминале во историјата, барем кога станува збор за лични документи.