Откако помина повеќе години во фаза на подготовка и развој, конечно е пред купувачите чудниот фотоапарат на Полароид за социјалните мрежи кој е наречен Socialmatic.
За овој уред можете да се претплатите на Amazon по цена од 299,99 долари. Инаку овој производ би требало да се најде на пазарот веќе од 1 јануари следната година.
Станува збор за уред кој може веднаш по снимањето да исфрли физички фотографии, по што и Полародиот е познат, како и да ги постави истите фотографии на интернет. Апаратот има предна камера од 14 мегапиксели, како и позадинска од само два мегапиксела, а двете имаат вграден блиц.
Располага со скромна 4GB вградена меморија, што е можно да се прошири дополнително до 32 GB. Интересно е и дека има вградено стерео звучници.
Оперативниот систем е прилагодена верзија на Android, со кој се управува преку екранот чувствителен на допир, со дијагонала од 4,5 инчи. Секако, пристигнува и со вградени филтри. Се спојува со интернет преку безжичен интернет, а тука се и Bluetooth и GPS.
Може да се додаде и QR код на фотографијата, што би требало да помогне при следење на нејзиниот живот на интернет.
Проектот настана како концепт во ADR Студиото, а Полароид официјално му се приклучи во март 2013 година како хардверски партнер.