Една од најпопуларната друштвени мрежи на планетата на која секојдневно корисниците објавуваат милиони фотографии, Instagram, после скоро две години додава нови и интересни работи кои ја изненадија јавноста.
Станува збор за 5 нови филтри кои се дел од новиот апдејт на апликацијата за Android и iOS телефоните со кои вашите фотографии ќе изгледаат уште поубаво.
- Дури 2 години бевме „заглавени“ со истите филтри за фотографиите. Корисниците почнаа да негодуваат, па си најдоа интересни алтернативи како апликацијата VSCO. Таа за краток период стана вистински хит, па Instagram остана само друштвена мрежа за да си ја објавите фотографијата, а не алатка со која ќе ја разубавите вашата фотографија. Луѓето си ги средуваа фотографиите на VSCO, а потоа така направена ја објавуваа на Instagram, без да пипнат некој од филтрите. Од Instagram го увидоа овој проблем и решија да сменат некои работи. Ова е навистина нешто ново и интересно, пишува The Verge.
Aden
Имено од вчера можете да ја апдејтирате оваа апликација и со тоа ќе имате 5 филтри за кои Instagram вели дека ова се најдобрите досега. Станува збор за ефектите Slumber, Creama, Ludwig, Aden и Perpetua.
Crema
Со нив, апликацијата сега ви нуди вкупни 25 филтри за разубавување на нашите фотографии кои ги правиме со нашиот smart телефон.
Ludwig
Oсвен овие 5 новитети, апдејтот носи и нов интерфејс. При разубавувањето на фотографијата, сега добиваме и мини-верзија за тоа како би изгледала доколку го искористите филтерот, што е одлична вест.
Slumber
Па така во долниот дел наместо да ги имате филтрите претставени преку икона со балон, сега вие ќе можете да ја видите вашата фотографија со филтер во мала големина. Можете да ги одберете вашите омилени филтри со опцијата Manage и секако да ги сокриете оние што најмалку или воопшто не ги користите.
Perpetua
Наместо сега да се оптоварувате со 25, вие одберете си ги најубавите според вас и побрзо објавете ја саканата фотографија.