Повеќето луѓе фотографиите на Facebook ги објавуваат од мобилниот телефон. Од таа причина, најпопуларната друштвена мрежа на светот реши во својата апликација за смарт телефони да додаде опција за автоматско подобрување на фотографиите пред корисникот да ги објави на својот профил.
Од вчера оваа опција, со која поточно автоматски се прилагодуваат осветлувањето, сенките и острината на фотографијата, е достапна за сите iOS корисници. Нивото на подобрување ќе можете да го регулирате и сами, или во потполност да го исклучите доколку не ви се допаѓа крајниот изглед на сликата која сакате да ја објавите.
Целата приказна звучи познато, бидејќи оваа можност Google ја додаде во Google+ уште минатата година.
Автоматското подобрување на фотографиите на Facebook ќе им биде достапно и на корисниците на Android, но се уште не е познато точно кога ќе се случи тоа.