Microsoft развива нов модерен веб прелистувач кој ќе го замени Internet Explorer, во очигледен обид да се поткрене во насока спрема која одат другите популарни прелистувачи како што се Chrome и Firefox.
Новиот прелистувач исто така би му помогнал на Microsoft да се дистанцира од лошите сеќавања на корисниците на старите верзии на Internet Explorer со кој многумина имаа проблеми.
Компанијата и претходно размислуваше за тоа да го промени името на прелистувачот за да го одвои својот нов производ од негативната перцепција која веќе не ја изразува реалноста.
Прелистувачот, го носи кодното име Spartan, ќе биде претставен на 21 јануари кога Microsoft ќе го претстави својот нов Windows 10. Но, најверојатно тогаш нема да биде подготвен и може да се очекува само претходната верзија на софтверот.
Spartan ќе биде достапен за десктоп и преносните верзии на оперативниот систем, пишува ZDNet. Иако новиот прелистувач ќе биде преинсталиран во идните верзии на оперативниот систем, Windows 10 исто така пристигнува и со наназад компатибилна верзија на Internet Explorer 12.
Новиот прелистувач и понатаму ќе користи многу исти технологии како и Internet Explorer, но ќе има и по малку соголен изглед кој остава впечаток на минимализам и ќе подржува екстензии.