Сигурно секој од нас е научен да го полни својот smart телефон навечер. Со тоа телефонот најмалку 7 или 9 часа, а некогаш и повеќе е вклучен на полначот. Британските научници спроведоа обемно истражување кое открива дека тоа воопшто не е паметно, бидејќи со тоа му правите штета на вашиот телефон, но и на вашата сметка за струја.
Денешните мобилни телефони во себе имаат литиум-јонска батерија, која доколку се преполни може да стане опасна, како за самиот уред така и за личноста која го користи.
- Да се разбереме, најдобро е да користите оригинален полнач и кабел, кои сте ги добиле во пакет со вашиот телефон. Сепак и тие не треба да ги користите преку целата вечер, туку кога телефонот ќе се наполни на 100 проценти веднаш треба да го исклучите од струја, заедно со полначот. Друга битна работа е трошењето на струја, држењето на телефонот на 100%, подолго од што е тоа потребно, ја деградира батеријата побрзо од обично. Имено, полначот додека е на струја троши 0.26 вати. Кога мобилниот бил приклучен на полначот, просечната потрошувачка на струја изнесувала 3.68 вати. Кога телефонот е наполнет, потрошувачката паѓа на 2.24 вати. Тоа значи дека толку енергија се троши за време на ноќта, непотребно, стои во соопштението кое го издаде Универзитетот Кембриџ.
Литиум-јонските батерии не би требало да се полнат до крај кога е тоа возможно. Кратките полнења, кога батеријата се троши на краток временски период и потоа се надополнува, е значително подобра опција од целовечерното полнење.