Microsoft веќе некое време покрај десктоп верзијата Windows 10 OS развива и мобилна, односно Windows Phone 10 оперативен систем, но за сега немаат објавено никакви детали.
Според пишувањето на Neowin, од тимот на Редмонд наводно протекла информација дека една од најголемите промени во однос на минатата верзија на мобилниот оперативен систем, ќе се однесува токму на неговото име, односно дека името Windows Phone повеќе нема да стои, туку ќе се нарекува Windows 10 Mobile.
Пред неколку месеци компанијата во неколку видео материјали дала да се претпоставува дека името Windows Phone ќе биде заменето со Windows, за да на десктоп и мобилните платформи се провлекува само едно име, но тоа би бил многу радикален чекор, бидејќи корисниците ќе очекуваат дека и двете верзии ќе имаат можност за користење на целосно исти апликации, што Microsoft секако нема да го овозможи, пред се поради хардверски причини.
Затоа од Редмонд заклучија дека избрзаа, а враќањето на старото име ќе укаже на недоследност на првите изјави, одлучија дека попримерно е да го наречат новиот мобилен оперативен систем Windows 10 Mobile.
Се очекува дека на 21 јануари на конференцијата во Редмонт ова ќе биде расветлено.