На CES саемот 2015 во Лас Вегас можеа да се видат роботи, а како најимпресивен од нив се издвои Aiko Chihara, роботот на Toshiba со силиконска кожа наменета за комуникациски услуги и работа на рецепција. Овој робот беше претставен уште во месец октомври на настанот COATEC во Јапонија.
Внатре во својата глава Aiko поседува 15 актуатори со чија помош е во состојба да создава најразлични изрази и гримаси, додека и е вграден воздушен компресор кој овозможува мазно и природно да ги движи рацете и дланките.
Toshiba го изработи овој робот со помош на Универзитетот Osaka на кој работи научникот Хироши Ишигуро, кој е најпознат по геминоид андроиди.
Помеѓу посебните вештини со кои располага Aiko, Toshiba ја истакнува можноста за конверзација со помош на знаковен јазик, што значи дека на рецепција и информативните пултови би можела да комуницира со глувонемите личности.