На Apple неодамна и е одобрен патент за видео камери кои се носат како GoPro моделот, а особено интересно е тоа дека веста за тој патент ги собори акциите GoPro за 15%.
GoPro инвеститорите како да доживеаја напад на паника во моментите кога сосема вообичаено се објавуваат патентите од разни компании. Иако овој пат во прашање е Apple, според зборовите на аналитичарите овој чекор на инвеститорите нема никаква смисла.
Apple (како и бројните IT компании) поседуваат неверојатна количина на патенти за нештата кои никогаш не го виделе светлото на денот, а реакцијата е опишана како крајно несериозна.
Аналитичарот од компанијата JMP Securities, Алекс Гаун, наведува дека е прерано воопшто да се помислува на тоа дека Apple ќе открие нов производ во форма на видео камера.
“Не ми се чини дека почетокот на продажбата на било какви акциски камери е логично продолжување на производите на Apple во овој момент“, смета тој.
Патентот Apple го побара во 2012 година, а аналитичарите веруваат дека сега е добро време за купување на акции на GoPro, бидејќи таа компанија останува лидер во категоријата вакви уреди, без значителна конкуренција на видик.