Се проценува дека во светот се продадени повеќе од седум милијарди мобилни телефони, од кои две милијарди се паметни телефони. Не може да се каже дека многу од технологиите се развиваат за толку кратко време.
Телекомуникациските експерти сметаат дека ретко која технологија во последните десет години се развива со ваква брзина. Од првиот телефон на Motorola мобилните драстично се менуваа, а денес на нив можат да се гледаат филмови, со нив да се фотографира скоро слично како со професионалните фото апарати и да го имате светот на дланка.
Sony во 2005 година стартуваше музичка револуција со првиот walkman мобилен телефон W800i кој можеше да се надгради со дополнителна картичка за уште повеќе музика, а наскоро мобилните телефони престанаа да бидат само функционални.
LG во 2006 година го претстави својот прв дизајнерски мобилен телефон LG Chocolate со кој почна да се размислува и за дизајнот на телефонот.
Благодарение на атрактивниот дизајн и интуитивниот интерфејс Apple iPhone го лансираше паметниот телефон во секојдневието. Тоа е првиот комерцијален мобилен телефон кој го користеше прстот наместо стилосот (паметното пенкало) за навигација по екранот.
На почетокот беше успех телефонот да биде помал додека сега големината не екранот почна се повеќе да расте.
Па ни останува да видиме во која насока ќе се развиваат понатаму телефоните.