Додека на пазарот на паметни телефони ширум светот најголемите битки се водат на полето на хардверот и напредните перформанси, некои произведувачи настојуваат да се прослават со тоа што сакаат да произведат уред кој ќе биде најтенок на светот.
Пред неколку месеци титулата на најтенок телефон му припадна на уредот Oppo R5 кој на пазарот пристигна со дебелина од само 4,85 мм, а неодамна од тронот го симна Vivo X5 Max со профил од 4.77мм.
Кинескиот произведувач на телефони Coolpad овие денови се вклучи во таа битка, па го претстави Coolpad Ivvi K1 Mini телефонот, кој пристигнува со дебелина од 4мм, што е за 0,77 мм помалку од досегашниот најтенок уред.
Иако разликата не веруваме дека некој може да ја забележи, Coolpad одлучи да стартува маркетинг кампања која се темели на податокот за успешна диета.
Што се однесува до останатите карактеристики на телефонот тие по ништо не се посебно импресивни и може да се стави во средна категорија, со оглед дека пристигнува со 4,7 инчен екран.
Работи на 64 битен четворојадрен процесор Snapdragon 410, а што се однесува до меморијата уредот поседува 1 GB RAM и 8 GB меморија за складирање, додека за фотографии се користи задната камера од 8MP и камера за селфи од 5MP. Телефонот работи на Android 4.4 KitKat.
Цената на уредот измесува околу 200 долари, но не е познато на кои пазари ќе се најде.