Сите фанови на гејмингот на паметните телефони и таблети веројатно во многу игри имале потешкотии со командите ако исклучиво користеле прсти за управување на екранот чувствителен на допир. Дури ни технологијата која овозможува управување со “поместување“ на целиот гаџет не може да го понуди саканото чувство на контрола, па најдобро решение е да се набави некој надворешен контролер.
Секако, таквите решенија се обично прилично скапи, особено ако се работи за контролери кои ви овозможуваат спојување на гаџетот директно на нив.
На Kickstarter се појави интересно алтернативно решение кое се состои од мал џојстик кој се лепи привремено директно на екранот, под називот ScreenStick, чии што главни одлики се како што велат, прецизноста и ниската цена.
Овој џојстик подржува бројни стимулациски и акциони игри, а неговите автори тврдат дека претставува прв ултра чувствителен џојстик на пазарот за мобилни уреди, додека посебен адут ќе му биде ниската цена.
Исто така велат дека поминале многу време во оптимизација на командите за разни типови на уреди но јасно е дека ќе биде значително попрецизен ако имате квалитетна допирна површина на екранот на својот гаџет.