Нов тип на малициозен Android софтвер е забележан, а неговото функционирање е прилично необично и проблематично.
Малверот го носи името PowerOffHijack, а корисниците може да ги измами дека уредот им е исклучен, но всушност малверот и понатаму е активен и ги шпионира нивните активности.
Според наводите на сигурносната компанија AVG, малверот прво е забележан во Кина и се шири преку кинеските продавници за апликации.
Во овој момент, споменатиот малвер има инфицирано повеќе од 10.000 уреди.
Наводите велат дека малверот ги инфицира уредите кои работат под Android софтвер постар од верзијата 5.0 Lolopop.
Доколку корисникот стартува опција за гасење на уредот, малверот прикажува автентична анимација во текот на гасењето, а уредот паѓа во состојба на мирување, индицирајќи дека навистина е изгасен.
Но, уредот е всушност вклучен и работи, без знаење на корисникот. Во оваа состојба, маверот може да извршува повици, фотографира и објавува слични акции кои навлегуваат во личните податоци на корисникот.
Кога ширењето на други уреди е во прашање, се наведува дека малверот се шири само преку рутирани уреди.
Ова значи дека корисниците со stock Android се сигурни и не им се заканува опасност.