Новата јакна на модното дизајнерско студио The Unseen, има во себе боја која реагира на активноста на вашиот мозок.
Најновото парче облека од колекцијата на ова студио е наречено “Осмо сетило“.
Станува збор за јакна изработена од флексибилен керамички материјал кој е во состојба да ја прикаже “аурата“ на оној кој ја носи и тоа во цела низа на бои и нијанси.
“Невидлива сила или аура емитира секој човек како електромагнетна енергија, а тие бранови должини преку одредени леќи можат да се видат како бои“, стои на веб страната на ова студио.
“Целта на студиото е да открие и да го истражи за око невидливото енергетско поле со помош на физичка наметка која го чита човековиот магнетизам заедно со снимање на EEG податоци. Овој биосигнал се претвора во визуелни сигнали преку нашите скулптури со помош на бои и примероци.“
Електроенцефалографија (EEG), е метод на мерење на електричката активност на мозокот. Овие сигнали се испраќаат безжично во јакната која ги менува боите зависно од расположението на оној кој ја носи.
Црвената прикажува лутина, нервоза додека пак зелената е знак за социјалност. Сината покажува мир, вистинољубие и ненасилство, додека пак белата открива внатрешно чувство на чувствителност, интуитивност и психичка способност“, се наведува на веб страната.
Новата колекција на облека која менува боја во склад со расположението ќе биде претставена на претстоечкиот моден настан на London Fashion Week.