Со оглед на тоа дека има повеќе од милијарда корисници, Facebook во денешно време игра голема улога во одржувањето на поврзаноста меѓу луѓето.
Освен што на корисниците им нуди брза можност за делење на вестите, најголемата социјална мрежа овозможува и меѓусебна поддршка помеѓу дигиталните пријатели во помалку забавните и среќни моменти.
Со оглед на тоа дека стана свесен дека би можел да им помага и на корисниците кои бараат било каков вид на психолошка помош, Facebook се одлучи да развие нови алатки кои помагаат во превенција за самоубиствата.
Facebook започнува да воведува нова опција внатре во секој пост кој на корисниците им овозможува “флагирање“ (означување на постови) во случаеви кога ќе помислат дека нивниот најдобар пријател би можел да се повреди.
Корисникот кој е загрижен за својот пријател може да кликне на малата стрелка на горниот десен дел на статусот и да ја означи како "report post".
Кога личноста следниот пат ќе се логира, Facebook ќе и понуди опција за контактирање на корисникот кој се грижи за неа, и ќе понуди помош од друг пријател, или ќе го спои со служба за стручна помош.
За воведување на оваа функција, Facebook се здружи со американската организација за ментално здравје.
За почетокот како што стојат нештата ќе биде ограничена само за САД, но Facebook планира овие алатки да ги овозможи за корисниците од целиот свет.