Facebook реши да ја информира јавноста и да обезбеди повеќе информации за она што е забрането на најпопуларната социјална мрежа на планетата.
Во новите т.н. „community standards“ сега подетално се дефинира што точно се подразбира под навредлива содржина на теми како голотија, малтретирање и говор на омраза.
- Овој потег доаѓа веднаш откако Twitter и Reedit ги сменија своите политики со цел заштита од украдени фотографии на кои има голотија или пак некои еротски содржини, пишува BBC, кој го пренесе целосното соопштение на Facebook:
Нудиме повеќе детали за тоа што е, а што не е дозволено. На пример, што точно подразбираме под голотија, или што сметаме за говор на омраза? На пример, ќе се тргаат фотографии со гениталии и експлицитни фотографии од секс. Нема да бидат дозволени и некои фотографии со женски гради на кои се прикажани брадавици, но ќе дозволиме фотографии од жени кои дојат или ги покажуваат градите после мастектомија. Фотографиите пак каде имаме уметнички слики, скулптури и друга уметност на кои има голи субјекти ќе бидат дозволени.
Сепак, Facebook нема веднаш да ви ја тргне спорната фотографија, туку најпрвин ќе добиете предупредување за истата да ја тргнете самите, а потоа ќе добиете и добро објаснение за тоа.