Стив Џобс никогаш не би го довел Apple на чело на светскиот технолошки пазар, да го имаше часовникот кој го „затрупува“ со информации. Односно часовникот кој сега компанијата го промовира, смета Аријана Хафингтон, уредничката и основач на Huffington Post.
Во текот на едно интервју за HBO, таа изјавила дека покојниот извршен директор на Apple веројатно би имал проблем да смислува нови технолошки иновации, ако имал на рака нешто што константно би му го одвлекувало вниманието.
Таа вели дека Џобс најдобрите идеи ги добивал додека медитирал.
Навистина, Џобс се посветил на зен медитацијата во текот на неколкуте месеци кои ги поминал во Индија откако го напуштил колеџот.
- Ако седите и набљудувате, можете да забележите колку е немирен вашиот ум, му раскажал Џобс на биографот Волтер Ајзаксон.
- Ако се обидете да го смирите, само ги влошувате работите, но со време ќе успеете. Кога тоа ќе се случи, ќе направите место да чуете многу посуптилни нешта, тогаш вашата интуиција цвета и можете јасно да а видите сегашноста. Вашиот ум само се забавува, а вие го забележувате ширењето. Гледате многу повеќе отколку што можевте да видите порано. Тоа е дисциплина, морате да вежбате.
iWatch е проблематичен, бидејќи дојдовме до точка кога туш кабината е единствено место на кое можете да бидете без паметниот телефон, смета Хафингтон.
Судејќи спрема сè, таа е во право, бидејќи истражувањата покажаа дека 20% од луѓето помеѓу 18 и 34 години го користат својот телефон и во текот на сексот.
Кога уредот ќе се смести удобно на нашиот зглоб, луѓето ќе бидат уште по поврзани со светот дури и во текон на најинтимните моменти.