Корисниците на Facebook наскоро ќе имаат можност да ги ажурираат своите профили за во случај на смрт да можат да им ги доверат на своите блиски.
Членовите на најголемата мрежа, од сега ќе ја имаат таа “можност“ да одлучат што ќе се случува со нивните профили по нивната смрт.
Најновата опција овозможува корисниците да си одберат така наречен “дигитален наследник“ кој ќе има опција да внесе измени во профилот, откако неговиот сопственик ќе почине.
Наследниците ќе можат да прифаќаат нови барања за пријателства или да постават нови фотографии на профилот, но ќе им биде забрането да ги бришат старите фотографии или да поставуваат нови постови.
Оваа опција во рамките на сигурносните нагодувања наскоро ќе им биде достапна на корисниците од САД, а набргу после тоа и на корисниците ширум светот.