Според странските медиуми, Facebook на сите свои корисници ќе им поклони 10 евра како мал знак на внимание.
- Верувајте дека овие пари за компанија како што е Facebook не претставува ништо, а многумина и тоа како добро ќе им дојдат. Затоа, ако денес во текот на денот добиете мејл со порака дека сте освоиле пари немојте да го бришете, објави Daily Mail.
Имено, Facebook е најпопуларна друштвена мрежа, и на месечно ниво има дури милијарда и 390 милиони корисници, што е повеќе и од Кина, најмногубројната земја на светот. По тој повод компанијата реши на сите свои корисници да им даде симболичен подарок.
Меѓутоа, за граѓаните на нашата земја процедурата за добивање на овој подарок е малку комплицирана со оглед дека не сме во Европска Унија, но наградата не е недостижна.
Пред се, потребно е да отворите сметка во Ирска (земја која има најмал данок во Европа), а најлесно е тоа да го направите по пат на интернет. Следната работа која ќе морате да ја направите е да пополните мал формулар кој наскоро ќе се појави на вашиот ѕид (news feed).
- Пополнувањето на формуларот е НЕОПХОДНО за да Facebook утврди дека навистина се работи за вистинска личност. Од вас ќе се побара да дадете информации за адресата на живеење, лична карта, бројот од банкарската сметка, бројот на телефон, пишува Daily Mail.
Добро е да си знаете дека доколку мислите да направите лажен профил со цел да соберете што повеќе пари знајте дека тоа нема да биде можно бидејќи Facebook на секој профил што ќе го пополни формуларот ќе се побара потврда на идентитетот.
По пополнувањето на формуларот очекувајте повик од операторот на Faceboook. На цела среќа, не е потребно да знаете англиски бидејќи операторите знаат хрватски јазик, јазик кој е близок до нашиот а е дел од ЕУ.
За време на разговорот од вас ќе се побара да ги потврдите информациите кои претходно сте ги внеле во формуларот. На самиот крај од разговорот Facebook вам ќе ви каже дека подарокот од 10 евра ќе ви легнат на сметка.
Facebook со делење на подароците ќе започне од 1-ви април, а се очекува сите корисници да добијат 10 евра до крајот на годината.
Сево ова изгледа интересно нели, за својот профил да си добиете 10 евра. Сепак, што мислите, дали е вистина, или пак станува збор за добра првоаприлска шега?