SRI (Stanford Research Institute) International разви линија на биометриски системи, кои ги нарекува Iris on the Move (IOM), а како што и самиот назив сугерира, функционираат како преносливи гаџети за скенирање на око.
SRI објави дека Samsung даде ексклузивна лиценца за користење на оваа технологија во мобилните производи. Извештаите укажуваат и на тоа дека наскоро би можеле да го видиме и првиот уред кој ја имплементира оваа технологија.
Според соопштението за печат, првиот производ на Samsung кои ќе ја имплементира технологијата за скенирање на око, е модифицираниот Samsung Galaxy Tab PRO 8.4.
Таблетот е прикажан денес 17 април на овогодинешниот ISC West настан во Лас Вегас. Уредот ќе биде продаван глобално преку "SRI партнерите и дистрибутерите".
Се наведува дека IOM технологијата во таблетот на Samsung ќе биде користена како алатка за автентификација на идентитетот, повеќе отколку за отклучување на уредот.
Но, ова би требало да биде прв чекор во процесот за замена на отпечатокот од прст, на чие место би дошол скенерот за око, кој е попрецизен и потежок за хакирање.