Безбедносните пропусти кои ги откри Cylance, им овозможуваат на хакерите да украдат кориснички имиња и лозинки од компјутерите кои работат на било која верзија на Windows која моментално е достапна на пазарот, вклучувајќи го дури и Windows 10 Technical Preview.
Во текстот на блогот во кој детално е објаснет проблемот, Cylance пишува дека не е загрозен само софтверот на Microsoft, туку и на 30 други компании меѓу кои се Symantec, Adobe и Apple.
Ранливоста е можно да се искористи со помош на злонамерен линк кој напаѓачот и го испраќа на жртвата. Тогаш кога линкот ќе биде вчитан на ранливиот компјутер, сајбер криминалците ќе можат да ги искористат акредитивите на корисникот за пријавување без било какво предупредување.
Во овој момент листата на ранливост вклучува неколку Microsoft апликации меѓу кои се Internet Explorer и Windows Media Player. Microsoft оваа грешка ја потврди и се чека да објави закрпа која ќе го реши овој проблем.