Социјалните мрежи до темел го изменија начинот на кој комуницираме. Пример, истражувањата покажуваат дека тие помагаа во одржувањето на односите со пријателите и семејството, но влијаат и на начините на кои ги завршуваме односите.
Најдобар пример за тоа е тргањето на некој од листата на пријатели. На многу едноставен начин можеме да ги завршиме односите со било кој, но кога некој го прекине пријателството со нас, не добиваме никакво известување за тоа.
Веројатно ќе забележиме дека не сме меѓу нечии пријатели сосема случајно, што некои може да ги шокира. Токму поради тоа е спроведено мало истражување за тоа како луѓето реагираат кога некој ќе ги тргне од листат на пријатели.
Др. Џенифер Беван и нејзините двајца студенти спровеле анкета на 547 возрасни личности на Facebook кои некој ги тргнал од листата на пријатели. Резултатите го откриле следново:
- Повеќето испитаници рекле дека се тргнати од листата на пријатели поради нешто што се случило во реалниот живот (конфликт, прекин...).
-Иако мал број на испитаници смета дека се тргнати поради нешта кои ги направиле на Facebook (статус, слика...), тие имале интензивни негативни чувства откако се тргнати од листата на пријатели.
-Негативни емоции имале и оние кои повеќе се потпираат на Facebook како средство за комуникација со пријателите и стекнување на нови познанства.
Ова е прво истражување од таков вид, а авторката заклучила дека реакција на отстранување од листата на пријатели варира и зависи од многу фактори и дека однесувањето на интернет помалку влијае на нашите интернет пријатели од нашето однесување кога не сме на интернет.