Јапонските експерти за нанотехнологија направија четка за заби која толку темелно ги чисти забите, што паста за заби не ви е ни потребна. За да ги измиете забите потребно е само малку вода за да се активира четката.
Имено, оваа четка е дело на јапонската компанија „Yume Shokunin“, а ја дизајнирал Кошо Јешима. Тајната е во користењето на минерални јони, кои ги чистат забите наместо стандардните забни пасти. Јоните се активираат кога четката се влажни со вода, а се толку моќни што ги чистат остатоците и дамките од храната.
На јапонски јазик, четката се нарекува „мисока“ што значи „последен ден во месецот“, а се нарекува вака затоа што се менува по еден месец користење. Во Јапонија и Азија оваа четка е пуштена во продажба уште од 2007 година. До сега, продадени се 2 милиони парчиња, а за европскиот пазар направена е редизајнирана верзија. За прв пат ќе биде претставена идната недела во Милано.